T-Mobile Македонија

• T-Mobile Diners клуб картичката е кредитна картичка,
• Истовремено е денарска и девизна кредитна картичка (има валидност на територијата на Македонија и во странство),
• 50% помалку трошоци за членарина и уписнина на оваа картичка,
• Кредит од 30 000 денари без депозит (може и поголем кредит во зависност од гаранциите),
• Можност за купување на повеќе месечни рати, без камата при купување во продажните салони на T-Mobile,
• Можност за автоматско плаќање на месечните сметки со траен налог за T-Mobile МК (мобилна телефонија), а наскоро и други месечни трошоци, без ваш дополнителен ангажман,
• М-Recharge услуга - Ви овозможува купување на T-Mobile ваучери со T-Mobile Diners клуб картичка преку вашиот мобилен телефон и директно полнење на припејд T-Mobile мобилни телефони.

Патувајте сега . . .

• Со T-Mobile Diners клуб кредитната каричка, Вашето патување ќе биде безгрижно,
• Може да ја користите за плаќање на стоки и услуги и во над 3 600 продажни места во Македонија и над 8 милиони продажни места во странство за: мебел, бела техника, компјутерска опрема, обувки, козметика, прехранбени производи, туристички агенции, гориво и друго,
• Добредојдовте во најдобрите хотели и ресторани, трговски центри, авионски компании и рент а кар агенции.

Плаќајте подоцна . . .

• Динерс клуб ви доставува сметки  два пати месечно со рок на плаќање наведен во секоја фактура. Се смета дека долгот е подмирен, кога средствата ќе пристигнат на сметката на Динерс клуб Интернационал МАК Д.О.О.
• Со картичката може да трошите и во деновите пред да пристигне Вашата плата (што претставува и основна замисла на картичката), а трошоците ќе ги платите подоцна, кога ќе Ви пристигне сметката.

T-Mobile Diners клуб Приватна кредитна картичка . . .

• Гласи на Ваше име и презиме и служи за секојдневна употреба,
• Ви овозможува многу полесно и поедноставно да ги решите сите предвидени и непредвидени трошоци (во земјата и во странство),
• Ви овозможува и издавање дополнителна фамилијарна картичка за членовите од вашето потесно семејство, при што за неа трошоците се 50% помалку од годишната членарина.

T-Mobile Diners клуб Бизнис безготовинска картичка . . .

• Ова е деловна картичка за мали, средни и големи фирми, компании и институции во Република Македонија,
• Гласи на име на претпријатието и на Вашето име и презиме, односно на име на некој од Вашите вработени на кои Вие им го одобрувате користењето, како и нивните лимити, многу полесно и поедноставно ќе може да ги решите сите предвидени и непредвидени трошоци, за хотелски услуги, набавка на авио билети, службени ручеци и вечери, рент а кар услуги и др.,
• Следењето на трошоците е едноставно, бидејќи со фактурата, Ви прилагаме спецификација - опис на трошоците за секој корисник поединечно,
• Нема потреба од купување девизи на девизен пазар, затоа што девизните трошоци се пресметуваат во денарска противвредност,
• При службени патувања на Вашите вработени нема веќе исплата на патни трошоци, при што се намалува потребата за готовина на претпријатието,
• Сите трансакции со Бизнис картичката имаат третман жиро-жиро, со што се добиваат сите даночни погодности.

Привилегии . . .

• Резервации и купување домашни и странски авио билети за сите дестинации насекаде во светот,
• Одложено плаќање (плаќање на повеќе месечни рати, 3, 6, 9, 12),
• Бесплатно користење на аеродромските салони на 80 аеродроми во земјите од целиот свет.

Во случај на непредвидени ситуации . . .

• Може да подигнете готовина во банки, штедилници, менувачници, како и на 800 000 банкомати насекаде во светот на кои го има логото на Diners клуб интернационал и Cirrus банкоматите,
• Во случај на губење или кражба на вашата картичка, 24-часовна служба ќе Ви помогне каде и да сте во светот (+389 2 114 444)...

... како и многу други поволности што ќе ви бидат на располагање, доколку ја имате оваа картичка.

За повеќе информации, обратете се во Diners клуб МАК на 02 311-4444,  во T-Mobile МК на 070 122 или во продавниците на T-Mobile.

КОРИСТЕЊЕ :

• T-Mobile Diners клуб картичката важи подеднакво во земјата и во странство.
• Можете да ја користите на продажните места што се одбележани со налепница на Diners Club International.
• T-Mobile Diners клуб картичката се користи без да Ви се пресметува дополнителна такса или провизија на вредноста што ја плаќате, со исклучок на бензински пумпи и подигање готовина.
• На бензиските пумпи во Македонија, при полнење гориво, се пресметуваат 70 ден. за трошок до 2 000 ден., а над оваа сума се пресметуваат 150 ден.
• Во земјата можете да подигнете готовина максимално до 15 000 денари месечно на банкоматите  на NLB Тутунска банка и Уни банка со провизија од 5%.
• Во земјата можете да подигнете готовина на банкоматите кои го имаат знакот на CIRRUS максимално 250 EUR месечно, при што провизијата за успешна трансакција е 5% од подигнатиот износ.
• Надвор од земјата максималниот износ што можете да го подигнете од банка, менувачница или банкомат каде што го има знакот на Diners Club International или CIRRUS е 250 EUR месечно, со истите провизии како во земјава.
• Во случај на три (3) последователни неуспешни трансакции или надминување на износот на подигната готовина од 250 ЕУР месечно, вашата картичка ќе биде блокирана за користење секаде во светот.
• При преземање на новата картичка добивате PIN-код за подигање готовина на банкомати. Меморирајте го бројот и чувајте го одделно од картичката. Доколку го изгубите PIN-кодот, издавањето на нов ќе Ве чини 500 денари (ова не важи за бизнис картички).
• Доколку редовно ги измирувате сметките со картичката, можете да купувате на рати, на оние продажни места во земјата коишто имаат склучено договор за продажба на рати со Динерс клуб интернационал МАК доо Скопје.
• Доколку планирате трошок надвор од Македонија, особено за трошоци кои надминуваат 1 000 EUR, најавете го Вашето патување на тел.: (02) 311 4444.
• При користење на бизнис картичката во странство, трошоците направени во странска валута се фактурираат во денари.
• Бизнис картичката нема PIN код ,што значи дека со неа не може да се подига готовина од банкомат.

ОДОБРУВАЊЕ НА ТРОШОЦИ:

• Секој член има свој личен лимит, до кој му се одобрува плаќање со картичката. Во секое време можете да се информирате за Вашиот личен лимит на тел.: (02) 311 4444.
• Доколку имате потреба со картичката да платите поголем износ, мора однапред да направите уплата на разликата што го преминува дозволениот лимит.
• Со редовно измирување на сметките, лимитот автоматски се зголемува во зависност од прометот и времетраењето на членството во Динерс клуб .

СМЕТКИ/ФАКТУРИ:

• Сметките/фактурите се праќаат два пати месечно и на нив е назначен датумот на доспевање (рок на плаќање).
• Трошоците направени во странство се изразуваат на сметката  во валутата во која се направени, а задолжувањето на членот е изразено во EUR по курс на CITIBANK LONDON (важи само за приватна картичка).
• Плаќањето на девизните трошоци се врши на шалтерите на NLB Тутунска банка во EUR или друга конвертибилна валута (важи само за приватна картичка).
• За бизнис картичките, трошоците направени во странство се изразуваат на фактурата во валутата во која се направени, а задолжувањето на членот е изразено во денари по курс на NLB Тутунска банка (важи само за бизнис картичка).
• Денарските трошоци можете да ги уплатите на шалтерите на NLB Тутунска банка и во пошта.
• Како датум на книжење се смета датумот на пристигнување на средствата на сметката на Динерс клуб интернацинал МАК доо Скопје (210-0445670001-47) .
• Доколку сте ја користеле картичката , а не сте добиле сметка/фактура до 10. т.е. 20. во месецот, ве молиме да ја проверите вашата сметка на тел.: (02) 311 4444 за да не задоцните со плаќањата, а со тоа би се избегнало блокирањето на вашата картичка.
• Рекламации за фактурите можете да направите во рок од осум (8) дена по прием на сметката/фактурата.

НЕПОДМИРУВАЊЕ НА ДОЛГОВИ:

• Неплаќањето на сметките/фактурите во назначениот рок, повлекува трошоци на опомена од 150 ден.
• На износот на долгот за период на доцнење се засметува затезна камата.
• Висината на каматата се запишува на секоја сметка/фактура.

ГУБЕЊЕ НА КАРТИЧКАТА:

• Доколку ја загубите картичката, треба ВЕДНАШ да нe известите, за да може да ја прогласиме за неважечка и да ја спречиме нејзината злоупотреба.
• Нова картичка ќе добиете откако ќе ја добиеме Вашата писмена изјава.

РЕКЛАМАЦИИ:

• Чувајте ги слиповите, затоа што само со оригиналите можете да направите рекламација на трошоците.
• За сите одобрувања што ги правите за задолжување на Вашата картичка преку интернет, електронска пошта или факс (за резервација на хотели, претплата на списанија...) потребен е вашиот примерок од одобрувањето.

ОБНОВА:

• Картичката автоматски Ви се обновува, доколку ги имате подмирено сите сметки/фактури.
• Ве молиме, запазете го датумот на валидноста на картичката (важноста е во десниот долен агол, на пр.04/02 картичката важи до 30 април 2007 год.).
• Обновената картичка треба лично да се подигне во просториите на Динерс клуб интернационал МАК.